与父不和 与弟争产？大少薛世恒论尽前妻陈法拉
关于薛世恒（Daniel），因家族做娱乐事业的Neway卡拉OK、与陈法拉的感情由相恋到分开，都是娱乐版的新闻的常客，问到当中真伪成份，他就笑言：「以前啲人问我，梗系全部都真，依家梗系…我唔可以讲全部假，但系好多时睇到得啖笑。」
日前，《苹果》采访他，给他一个平台给他讲出睇法/澄清。
【个样同袁伟豪饼印？】
「佢靓仔啲，我型啲，我识阿Ben，点解会识佢，因为啲朋友攞张相畀我：『Daniel，呢张相系唔系你？我话系，但系我几时影过呢张相？』我自己都认错，咁呢个人我一定要识，11年喺王浩信结婚时识佢，之后我畀我阿妈睇，问佢似唔似，佢都话几似，我问阿妈点解咁似嘅？佢冇答我。」
【同细佬薛嘉麟不和争身家？】
「睇得电视剧多，实际上唔系呢啲嘢。我哋差两年，冇代沟，佢有佢嘅家庭，我又我嘅世界，唔会好似细个咁一齐生活，一齐对住，成日家庭聚会，我哋一个屋企，系好close。兄弟不和梗系冇啦，老实讲，冇乜机会争同一样嘢，各有各做。」
【与父工作有磨擦？】
「点都有啦，冇仇不成父子，少少都有，好多时喺同一公司做嘢，就大件事，就好多时我嘅观察，枪口唔系对外，喺对内，大家喺度争，呢个系最唔好，不过依家大家各自做自己生意，会见到嗰个世界其实好大，对比呢个世界系一粒沙，你睇嘅话一定向住嗰个世界去睇，唔系向住粒沙去睇，呢粒沙系讲紧相对于成个世界，环顾身边嘅嘢仲有好多好有价值。」
压轴当然要讲陈法拉…
究竟系离婚、前夫、前妻关系？
「我会觉得向前睇啦，我依家同佢都系好朋友。讲我自己先，呢个系我生命入面一个重要部份，而呢样嘢就喺过去，好似一本书，我写完喇，呢本书摆喺书架到，我又唔会因为书架有本书唔开心，或开心咗，佢会喺度，有时会攞嚟睇，不过我人生会有其他部份，一个阶段。至于人哋点睇，就冇得避免。我希望有一日会有自己家庭，我依家觉得工作畀我满足感好大，唔系好急，希望有一日会有啦。」
?转载授权微信：lama129tle="点击进入搜狐首页" id="backsohucom" style="white-space: nowrap;">返回搜狐，查看更多
责任编辑：
